1:"شاہد اقبال"کے بیان کے مطابق وہ اپنے دوست سے پانچ سو روپیہ یومیہ ٹھیہ کے لے رہاہے ،اور اخراجات مثلا گاڑی کاخرچہ ،بجلی کا بل وغیرہ  آپس میں برابر برابر برداشت کرلینا آپس میں طے ہوچکاہے ،اور یہ پانچ سو روپے  ان پیسوں کے بدلے نہیں لے رہا جو اس نے دوست کو بطور قرض دیئے ہیں ،تو یہ شرعا درست معاملہ ہے۔
جبکہ شاہد اقبال کے  دوست کے بیان سے معلوم ہوتا ہے کہ "شاہد ا قبال "اس سے یومیہ پانچ سو روپے ان پیسوں کے بدلے  لے رہا ہے، جو اس نے بطور قرض دئیے ہیں ، اور اس کے علاوہ دکان کا کرایہ اور باقی اخراجات کے پیسے بھی آدھے آدھے کرکے آپس میں برداشت کرلینا طے ہوگیا ہے،تو شاہد اقبال کےلئے اپنے دوست سے بیس ہزار روپے قرض دینے پر یومیہ پانچ سو روپے لیناسود اورحرام ہے،اس معاملہ کوختم کرنا دونوں پر واجب ہے ،اگر اس شرط کو ختم کردیاجائے ،تو معاملہ درست ہوجائے گا ،تاہم آج تک قرض پر دوست سے جتنے روپے لئے ہیں ،شاہد اقبال پر اس کے دوست کو واپس کردینا واجب ہے۔
اگر ناسمجھی میں اب تک اس طرح معاملہ رہاہے تو اس پر توبہ و  استغفار کرلیں ،اور آئندہ کیلئے اس طرح کے معاملے سے اجتناب کریں۔
2:دونوں میں سے جس کو معلوم تھا کہ یہ معاملہ  شرعا درست نہیں ہے اس کے باوجود معاملے کو جاری رکھا تووہ شخص سخت گناہ گار ہوا ہے،اور اللہ تعالی کے ہاں یہ  شخص ماخوذ ہوگا ،الا یہ کہ  اپنے اس فعل پر توبہ تائب ہوکر اس معاملے کوچھوڑ دیں۔اسی طرح وہ شخص بھی گناہ گار ہو ا جس کو علم نہ  تھا ،کہ یہ معاملہ جائز ہے یا ناجائز،لہذا دونوں کو توبہ  تائب ہو کر آئندہ کیلئےایسے معاملے سے مکمل  اجتناب کرنا ضروری ہے،البتہ جس کو علم تھا اس کا گناہ زیاد ہ ہے اس کو سز ا بھی زیادہ ملے گی۔
قال الله تعالي:{يَاأَيهَا الَّذِينَ آمَنُوا كُلُوا مِنْ طَيِّبَاتِ مَا رَزَقنَاكُمْ وَاشْكُرُوا لِلَّهِ إِنْ كُنتُمْ إِيَّاهُ تعْبُدُونَ} 
                                                [البقرة: 172]
وقال:
{وَلَا تَأْكُلُوا أَمْوَالَكُمْ بَينَكُمْ بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِنْ أَمْوَالِ النَّاسِ بِالْإِثْمِ وَأَنتُمْ تعْلَمُونَ}                                                     [البقرة: 188]
وقال:
{يَاأَيهَا الَّذِينَ آمَنُوا لَا تَأْكُلُوا الرِّبَا أَضْعَافًا مُضَاعَفَةً وَاتقُوا اللَّهَ لَعَلَّكُمْ تفْلِحُونَ}            [آل عمران: 130]
وقال:
{اسْتغْفِرُوا رَبَّكُمْ إِنَّهُ كَانَ غَفَّارًا}                       [نوح: 10]
وفي سنن ابن ماجه:
عَنْ عَبْدِ اللَّهِ بْنِ مَسْعُودٍ، «أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ، لَعَنَ آكِلَ الرِّبَا، وَمُوكِلَهُ، وَشَاهِدِيهِ، وَكَاتِبَهُ»
                             (باب التغليظ في الربا،  764/2،ط:داراحياء الكتب العربية)

Mufti

تاریخ جواب: 11 Mar 2026

تاریخ اشاعت: 15 Jun 2026

واللہ اعلم بالصواب