نماز عیدین کی ادائیگی کے حوالے سےرسول اللہ صلی اللہ علیہ و سلم کی عادت شریفہ یہ تھی کہ آبادی سے باہر جبانہ یعنی صحراء اور کھلے 
میدان کی طرف نکل کروہاں نمازِ عید پڑھتے تھے اور آبادی سے باہر صحراء یا کھلے میدان کی طرف نکلنے  کا اصل مقصد اسلام کی شوکت کا اظہار ہے لہذا آج بھی نماز عیدین کے حوالے سے رسول اللہ صلی اللہ علیہ و سلم کی اتباع آبادی سے باہر کسی میدان یا صحراء میں واقع عیدگاہ میں نماز عید پڑھنے سے ہوگی نہ کہ مسجد یا آبادی کے اندر واقع عیدگاہ میں نماز عیدپڑھنے سے۔
 بصورت مسؤلہ آپ کے سولات کے جوابات بالترتیب ملاحظہ فرمائیں؛
(1)جامع مسجد میں نماز عید  جائز ہے مگر سنت نہیں ہے البتہ اگر آبادی سے باہر عید گاہ ہو اور وہاں عید کی نماز پڑھنے میں کوئی عذر بھی نہ ہو تو اس صورت میں عید گاہ کوچھوڑ کر جامع مسجد میں نماز پڑھنا خلاف ِ سنت ہے۔
(2)گزشتہ سالوں میں جامع مسجد میں پڑھی گئی عید کی نمازیں  درست ہیں ۔
(3)مذکورہ عید گاہ چونکہ شہر اور آبادی کے اندر ہے اوراس پر جبانہ یعنی صحراء کا اطلاق نہیں  ہوتا اس لئے یہ مسنون عیدگاہ کے حکم میں نہیں اور اس میں اور ایک عام مسجد میں نمازِ عید ادا کرنے میں کوئی فرق نہیں اور اس عیدگاہ میں نمازِ عید ادا کرنے سے عید گاہ میں نمازِ عید پڑھنےکی سنت پوری نہیں ہوگی۔
(4)نماز عید ادا ہوجائے گی البتہ عید گاہ کی سنت سے محرومی رہے گی۔
(5)عیدگاہ کی سنت کو پانے کیلئے  عوام کو عیدگاہ میں نمازِ عید ادا کرنے کی ترغیب دینا تو جائز بلکہ مستحسن ہے لیکن ان کو یہ بتانا کہ مسجد میں نمازِ عید ناجائز ہے اور ان کی گزشتہ سالوں کی نمازوں کے حوالے سے ان کوشکوک و شبہات میں ڈالنابالکل نامناسب اور غلط فعل ہے  خاص کر سوال میں مذکورہ عیدگاہ میں عید پڑھنے پر لوگوں کو آمادہ کرنے کیلئے ان کو شکوک و شبہات میں ڈالنا کہ جو خود مسنون عیدگاہ کے حکم میں نہیں اورجس میں عید پڑھنے سے عید گاہ کی سنت ہی حاصل نہیں ہوتی نہایت ہی نامناسب فعل ہے اس لئے اس سے اجتناب کرنا چاہئے۔
المبسوط للسرخسي:
عن أبي سعيد الخدري، قال: «كان رسول الله صلى الله عليه وسلم يخرج يوم الفطر والأضحى إلى المصلى، فأول شيء يبدأ به الصلاة، ثم ينصرف، فيقوم مقابل الناس، والناس جلوس على صفوفهم فيعظهم، ويوصيهم، ويأمرهم، فإن كان يريد أن يقطع بعثا قطعه، أو يأمر بشيء أمر به، ثم ينصرف»
(أبواب العيدين، باب الخروج إلى المصلى بغير منبر، 2/ 17، دار طوق النجاة)
المبسوط للسرخسي:
ثم المصر كما يشترط لإقامة الجمعة يشترط لإقامة صلاة العيد وهو إنما يؤدى في الجبانة على 
غلوة من المصر أو أكثر من ذلك .... الخ
(كتاب الصلاة ، باب الجمعة ، 2/ 121، دار المعرفة)
المحيط البرهاني في الفقه النعماني:
السنّة في صلاة العيد أن تقام خارج المصر بالجبانة، ولا يمكن للضعفاء الخروج إليها إلا بحرج عظيم، فجوزنا الإقامة في موضعين دفعاً للحرج.
(كتاب الصلاة ،الفصل السادس والعشرون،  2/ 101،  دار الكتب العلمية)
البحر الرائق شرح كنز الدقائق:
وفي التجنيس والخروج إلى الجبانة سنة لصلاة العيد، وإن كان يسعهم المسجد الجامع عند عامة المشايخ هو الصحيح اهـ.
(كتاب الصلاة ، باب العيدين ، 2/ 171،  دار الكتاب الإسلامي)

Mufti

تاریخ جواب: 12 Mar 2026

تاریخ اشاعت: 15 Jun 2026

واللہ اعلم بالصواب