واضح رہے کہ وقف صحیح اور مکمل ہونے کے بعد موقوفہ چیز ہمیشہ کیلئے واقف کی ملکیت سے نکل کر اللہ تعالیٰ کی ملکیت میں داخل ہوجاتی ہے جس کے بعد اس موقوفہ چیز کو خریدنا ، بیچنا  ، اس میں کسی قسم کا تصرف کرنا یا کسی بھی قسم کا فائدہ اٹھانا جو جہتِ وقف کے خلاف ہوجائز نہیں ،البتہ اگر واقف نے بوقت ِ وقف اپنے لئے یا کسی دوسرے آدمی کیلئے وقف تبدیل کرنے کی شرط لگائی ہو تو اس صورت میں وقف کو تبدیل کرنا جائز ہےیا اس نے کوئی شرط تو نہ لگائی ہو لیکن اس موقوفہ چیز کی منفعت کلی طور پر ختم ہوچکی ہو یعنی اس سے کسی قسم کا فائدہ اٹھانہ ممکن نہ ہو تو اس صورت میں بھی جماعت ِ مسلمین کے مشورہ سے وقف کو تبدیل کرنا جائز ہے۔

بصورت مسؤلہ؛
(1) چونکہ وقف مکمل ہوچکا ہے اور واقف نے بوقتِ وقف استبدال کی شرط نہیں لگائی تھی اور نہ ہی مذکورہ زمین ناقابلِ انتفاع ہےاس لئے اس زمین کو بیچنا جائز نہیں  ۔لہذا فی الحال اس جگہ کے گرد چار دیواری بنائی جائے اور اس کو مصالحِ مسجد میں استعمال کیا جائے اور بعد میں ضرورت پڑنے پر اس میں مسجد بنائی جائے۔
(2)واقف کی جانب سے پچھلے سال زمین کی نشاندہی کرنے کے بعد  وقف مکمل ہوا ہے جس کے بعد واقف کو خود بھی اس سے نفع اٹھانا جائز نہیں تھا اس لئے گزشتہ ایک سال جو اس وقف زمین میں تصرف کیا گیا اس پر واقف اور اس کے نواسے سچے دل سے توبہ و استغفار بھی کریں اور اس ایک سال کا ضمان بھی ادا کریں اور ضمان ادا کرنے کی صورت یہ ہے کہ آپ کے علاقے میں اس طرح اور اس جتنی زمین کی ایک سال کی جتنی اجرت بنتی ہے اتنی رقم اس وقف پر خرچ کردی جائے۔  
الدر المختار:
(و) جاز (شرط الاستبدال به) أرضا أخرى حينئذ (أو) شرط (بيعه ويشتري بثمنه أرضا أخرى اذا شاء.
تحته فی الشامیة:
قوله وجاز شرط الاستبدال:اعلم أن الاستبدال علی ثلاثة وجوه:الاول: أن یشرطه الواقف لنفسه او لغیره او لنفسه وغیره،فالاستبدال فیه جائز علیٰ الصحیح وقیل اتفاقاً،والثانی أن لایشترط سواء شرط عدمه أو سکت لکن صار بحیث لاینتفع به بالکلیة بان لایحصل منه شیئ اصلا،أو لایفی بمؤنته فهو أیضا جائز علی الاصح إذا کان باذن القاضی ورأیه المصلحة فیه،والثالث: أن لایشرطه ایضاً ولکن فیه نفع فی الجملة وبدله خیر منه ریعاً ونفعاً،وهذا لایجوز استبداله علیٰ الاصح المختار . . . . الخ
 (كتاب الوقف ، مطلب في استبدال الوقف وشروطه ، 4/ 384، دار الفكر)
الدر المختار:
(منافع الغصب استوفاها أو عطلها) فإنها لا تضمن عندنا . . . . . (إلا) في ثلاث فيجب أجر المثل على اختيار المتأخرين (أن يكون) المغصوب (وقفا) للسكنى أو للاستغلال (أو مال يتيم) . . . . الخ
 (كتاب الغصب ، 6/ 206، دار الفكر)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب