وقف زمین کو واقف(چاہے شخص ہو یا کوئی ادارہ)نے جس مقصد کیلئے وقف کیا ہو اس مقصد کے علاوہ کسی اور کام میں اس زمین کو استعمال کرنا جائز نہیں۔
بصورت مسؤلہ چونکہ مذکورہ زمین اوقاف کی طرف سے مسجد اور مدرسہ کیلئے وقف کی گئی ہے اس لئے اصولی طور پر تو اس میں کینٹین اور کھوکا وغیرہ بنانا جائز نہیں ،تاہم  مصالحِ مسجد یا مدرسہ کیلئے  یعنی اگر مسجد اور مدرسہ کے اخراجات کا مکمل انتظام اوقاف نہ کرتی ہو اورلوگوں   کی طرف سے بھی کوئی تعاون نہ ہوتو پھر  اس میں کینٹین اور کھوکا بنانے کی گنجائش ہے لیکن اس صورت میں بھی ان سے حاصل ہونے والا کرایہ امام و خطیب کیلئے اپنی ذاتی ضروریات میں خرچ کرنا جائز نہیں بلکہ وہ کرایہ  مذکورہ مسجد اور مدرسہ کے اخراجات میں استعمال کرنا لازم ہے ،البتہ مصالح مسجد یا مدرسہ کیلئے کینٹین وغیرہ بنانے کی صورت میں اس بات کی گنجائش ہے کہ امام یا خطیب اس کا  معقول کرایہ(جتنا کرایہ اس جگہ میں کینٹین اور کھوکے کا ہوتا ہے) مقرر کرکے اس کو خود یا کسی ملازم کے ذریعے چلائے اوراس کا  کرایہ مسجد و مدرسہ کی ضروریات میں صرف کریں جبکہ باقی نفع اپنے لئے استعمال کریں   ۔نیز مسؤلہ  صورت میں اگرامام نے  کینٹین اور کھوکا محض اپنی معاشی ضرورت کیلئے نہیں بلکہ مصالح مسجد و مدرسہ کیلئے بنائے ہوں تو چونکہ اس  نے یہ تعمیر اپنے میسے سے کی ہے اس لئے وہ کرایہ میں سے اپنا تعمیری خرچ بھی وصول کرسکتا ہے ۔

في الدر المختار:
’’ولا يجوز أخذ الأجرة منه ولا أن يجعل شيئا منه مستغلا ولا سكنى‘‘.
 (كتاب الوقف ، 4 /358 ، دار الفكر) 
في الهندية:
وإن كانت أرض الوقف سبخة لا ينتفع بها كذا في فتاوى قاضي خان وقد اختلف كلام قاضي خان ففي موضع جوزه للقاضي بلا شرط الواقف حيث رأى المصلحة فيه، وفي موضع منعه منه ولو صارت الأرض بحال لا ينتفع بها. . . . الخ
 (كتاب الوقف ، الباب الرابع،2 /401 ، دار الفكر) 
و فيه ايضا:
  ولا يجوز تغيير الوقف عن هيئته فلا يجعل الدار بستانا ولا الخان حماما ولا الرباط دكانا إلا إذا جعل الواقف إلى الناظر ما يرى فيه مصلحة الوقف كذا في السراج الوهاج. 
 (كتاب الوقف ، الباب الرابع ،2/ 490 ، دار الفكر) 
و فيه ايضا:
البقعة الموقوفة على جهة إذا بنى رجل فيها بناء ووقفها على تلك الجهة يجوز بلا خلاف تبعاً لها، فإن وقفها على جهة أخرى اختلفوا في جوازه، والأصحّ أنه لا يجوز كذا في الغياثية .
(كتاب الوقف ، الباب الثاني ،2/ 362 ، دار الفكر)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب