بصورت مسؤلہ؛
(1)    مذکورہ خواب میں اگرچہ وراثت کی تقسیم کی طرف اشارہ ہے لیکن اس خواب کے بغیر بھی اسلامی تعلیمات  کے مطابق مورث کے فوت ہوتے ہی اس کے شرعی ورثاء اس کی چھوڑی ہوئی میراث کے حق دار ہوتے ہیں جس کو جلد سے جلدتقسیم کر کے ہر وارث کو اس کا حصہ دینا چاہیے خصوصا ً جب ورثاء تقسیم کا مطالبہ کریں  اس لئے آپ لوگ بھی جتنا جلد ممکن ہو تقسیم کر کے تمام ورثاء کو اس کا حصہ حوالہ کریں۔لہذا اگر آپ بھائیوں کیلئے یہ گھر بیچ کر اپنے لئےدوسرے گھر کا انتظام کرنا مشکل ہو جیسا کہ سوال سے واضح ہے تو اس کیلئے یہ صورت اختیار کی جاسکتی ہے کہ آپ تینوں بھائی اسی گھر میں رہیں اور اس گھر میں سے بہنوں اور چھوٹے بھائی کا حصہ ان کی رضامندی سے ان سے خرید لیں اور قیمت کی ادائیگی میں ان سے مہلت لے لیں اگر وہ اس پر راضی ہوں تو ٹھیک ہے ان کو پیسے آنے پر ادائیگی کریں لیکن اگر وہ اس پر راضی نہ ہوں تو اس صورت میں یہ گھر بیچ کر ان کو اپنا اپنا حصہ دے دیں اور اپنے لئے کرایہ کے گھر کا بندوبست کریں۔
(2)    چونکہ آپ لوگوں نے اس وقت والد صاحب کو سپورٹ کرنے کیلئے گھر کی تعمیر میں پیسہ لگایا تھا اور قرض وغیرہ کی کوئی تصریح نہیں کی تھی اس لئے آپ کا لگایا ہوا پیسہ آپ کی طرف سے والد صاحب کیلئے ہدیہ تھا جس کا اب آپ لوگ مطالبہ نہیں کرسکتے۔
(3)    چونکہ بہنوں کی شادیوں میں اپنا پیسہ لگاتے ہوئے ان سے واپسی کی بات نہیں ہوئی تھی اس لئے وہ پیسہ آپ کی طرف سے تبرع و احسان تھا  جس کی واپسی کا اب مطالبہ کرنا درست نہیں۔
(4)    اگر آپ کے چھوٹے بھائی کے پاس اس بات پر کوئی گواہ ہو کہ اس نے گھر کی تعمیر میں اپنا پیسہ لگایا ہے اور یہ صراحت کی تھی کہ میں اپنا پیسہ قرض کے طور پر لگا رہا ہوں اور بعد میں واپس لوں گا پھر تو اس کو اپنے شرعی حصے کے علاوہ اپنے دعوی کے بقدر رقم بھی دی جائے گی بصورت دیگر وہ صرف اپنے شرعی حصہ میراث کا مستحق ہوگا۔

درر الحكام في شرح مجلة الأحكام 
"أما ‌إذا ‌بنى ‌للشركة بدون إذن شريكه فيكون البناء مشتركا والباني متبرعا بمصرفه على البناء وليس له الرجوع على شريكه بحصته من المصرف."
(الكتاب العاشر،الباب الاول،الفصل الثامن ،المادة 1173: 3/ 181، دار الحيل)
العقود الدرية في تنقيح الفتاوى الحامدية:
دفع إلى ابنه مالًا فأراد أخذه صدق أنه دفعه قرضًا؛ لأنه مملك.  دفع إليه دراهم فقال له: أنفقها ففعل فهو قرض، كما لو قال: اصرفها إلى حوائجك، ولو دفع إليه ثوبا وقال: اكتس به ففعل يكون هبة ؛ لأن قرض الثوب باطل، لسان الحكام في هبة المريض وغيره.
(كتاب الدعوى ، 2/ 19 ، دار المعرفة)
رد المحتار:
دفع دراهم إلى رجل وقال: أنفقها ففعل فهو قرض، ولو دفع إليه ثوبًا وقال ألبسه نفسك فهو هبة. والفرق مع أنه تمليك فيهما أن التمليك قد يكون بعوض، وهو أدنى من تمليك المنفعة، وقد أمكن في الأول؛ لأن قرض الدراهم يجوز، بخلاف الثانية، ولوالجية.
(كتاب الهبة ، فصل في مسائل متفرقة، 5/ 710 ، دار الفكر)
مجمع الأنهر في شرح ملتقى الأبحر:
ومن عمر دار زوجته بماله أي بمال الزوج بإذنها أي بإذن الزوجة فالعمارة تكون لها أي للزوجة؛  لأن الملك لها وقد صح أمرها بذلك، والنفقة التي صرفها الزوج على العمارة دين له، أي للزوج عليها أي على الزوجة؛ لأنه غير متطوع، فيرجع عليها لصحة الأمر، فصار كالمأمور بقضاء الدين. وإن عمرها أي الدار لها أي للزوجة بلا إذنها أي الزوجة فالعمارة لها أي للزوجة، وهو أي الزوج في العمارة متبرع في الإنفاق، فلا يكون له الرجوع عليها به. 
(كتاب الخنثى ، مسائل شتى ،2/ 743 ، دار إحياء التراث العربي)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب