بصورت مسؤلہ سب سے پہلے تو آپ کے پردادا مرحوم کا ترکہ جو زمین کی صورت میں ہے اس کو پانچ(5) حصوں میں تقسیم کیا جائے گا جن میں سے آپ کی دادی سمیت مرحوم کی تینوں بیٹیوں کو  ایک ایک (1،1)حصہ ملے گا  جبکہ بیٹےکو دو(2) حصے ملیں گے اس کے بعد آپ کی دادی مرحومہ کو ملنے والے حصے کے مزید اٹھائیس(28) حصے بنائے جائیں گے جن میں سے آپ کے والد مرحوم سمیت دادی کے تینوں بیٹوں میں سے ہر ایک بیٹے کے چھ چھ(6،6) حصے بنیں  گے اور بیٹی (آپ کے والد کی اخیافی بہن  اور آپ کی پھوپھی ) کے تین(3) حصے جبکہ  دادی کے شوہر کے سات(7) حصے بنیں گے۔اس کے بعد چونکہ دادی کا دوسرا شوہر بھی فوت ہوچکا ہے اس لئے اس کے سات (7)حصے صرف اس کی حقیقی اولاد( دو بیٹے اور ایک بیٹی جو آپ کے والد کے اخیافی بھائی بہن ہیں ) میں ان کے شرعی حصوں کے بقدر تقسیم ہوں گے ۔اس کے بعد آپ کے فوت شدہ چچا کو اپنی ماں (آپ کی دادی مرحومہ) اور اپنے والد سے ملنے والے حصے میں آپ کے والد مرحوم کا چھٹا حصہ بنے گا اور اسی طرح آپ کی فوت شدہ پھوپھی کے حصے میں بھی آپ کے والد کا چھٹا حصہ بنے گا۔اس کے بعد آپ کے والد مرحوم کا مجموعی حصہ(دادی کی طرف سے ملنے والا حصہ اور اپنے فوت شدہ اخیافی بھائی اور فوت شدہ اخیافی بہن  سے ملنا والا حصہ) مزید چودہ حصوں میں تقسیم کر کے  آپ   چاروں بھائیوں میں سے ہر ایک بھائی کو دو دو(2،2) حصے ملیں گے اور چھ بہنوں میں سے ہر ایک بہن کو ایک ایک(1،1) حصہ ملے گا۔
قال تبارك و تعالى:
يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ ..... الخ    (النساء: 11)
الهندية:
التركة تتعلق بها حقوق أربعة. . . . . ثم بالدين وأنه لا يخلو إما أن يكون الكل ديون الصحة أو ديون المرض . . . . . ثم تنفذ وصاياه من ثلث ما يبقى بعد الكفن والدين إلا أن تجيز الورثة أكثر من الثلث ثم يقسم الباقي بين الورثة على سهام الميراث . . . . . الخ
(كتاب الفرائض، الباب الأول في تعريف الفرائض،6/ 447 ، دارالفكر)
البحر الرائق شرح كنز الدقائق:
قال رحمه الله: (وعصبهما الابن وله مثل حظهما) معناه إذا اختلط البنون والبنات عصب 
البنات فيكون للابن مثل حظهما فصار للبنات ثلاثة أحوال: النصف للواحدة، والثلثان 
للاثنين فصاعدا، والتعصيب عند الاختلاط بالذكور.
(كتاب الفرائض، أنواع الحجب ،8/ 563 ، دار الكتاب الإسلامي)
السراجي في الميراث:
و اما لبنات الصلب فاحوال ثلاث . . . . . . و مع الابن للذكر مثل حظ الانثيين و هو يعصبهن....الخ
( فصل في النساء ، ص32 ، المكتبة البشرى)
الاختيار لتعليل المختار:
والثالث الأخ لأم وله السدس وللاثنين فصاعدا الثلث وإن اجتمع الذكور والإناث استووا في الثلث . . . . .الخ
(كتاب الفرائض ، 5/ 87 ، مطبعة الحلبي - القاهرة)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب