شادی بیاہ درحقیقت  اگرچہ دو بندوں کا آپس میں نکاح  کے بندھن میں بندھنے کا نام ہے لیکن اسلامی  معاشرے کے اقدار کو  دیکھتے ہوئے یہ کہا جاسکتا ہے کہ  یہ دو خاندانوں کے ملاپ   کا ذریعے ہوتا ہے اور نکاح اگرچہ میاں بیوی یا ان کے وکلاء کا گواہوں کی موجودگی میں ایجاب و قبول کرنے سے  منعقد ہوجاتا ہے لیکن  بڑوں  کی رضامندی کے خلاف چھپ کر نکاح کرنا شرعا ً ،عرفا ً اور اخلاقا ً بھی ناپسندیدہ عمل ہے،شرعی تعلیمات کے مطابق نکاح اپنے بڑوں کی رضامندی سے اور علی الاعلان ہونا چاہیے کیونکہ دونوں خاندانوں کے بزرگوں کی موجودگی اور ان کی دعاؤں سے نکاح بابرکت ہوجاتا ہے اس لئے حالات چاہے جیسے بھی ہوں بجائے اپنے بڑوں سے چھپ کر نکاح کرنے کے علی الاعلان نکاح کرنا زیادہ مناسب اور شرعی تعلیمات کے مطابق ہے۔
بصورت مسؤلہ چونکہ گواہوں کی موجودگی میں ایجاب و قبول ہوا ہے اس لئے آپ کا نکاح شرعا ً درست ہے۔
في مسند البزار:
عَنْ عَامِرِ بْنِ عَبْدِ اللهِ بْنِ الزُّبَيْرِ ، عَنْ أَبِيهِ ، أَنّ النَّبِيَّ صلى الله عليه وسلم قَالَ : أَعْلِنُوا النِّكَاحَ ، وَاضْرِبُوا عَلَيْهِ بِالْغِرْبَالِ يَعْنِي الدُّفَّ.
(مسند عبد الله بن الزبير رضي الله عنهما ، 1/347 ، غیر مطبوع)
و في الدر المختار:
( وينعقد ) ملتبسا ( بإيجاب ) من أحدهما ( وقبول ) من الآخر ( وضعا للمضي ) لأن الماضي أدل على التحقيق ( كزوجت ) نفسي أو بنتي أو موكلتي منك . . . . . . ( و ) شرط ( حضور ) شاهدين ( حرين ) أو حر وحرتين ( مكلفين سامعين قولهما معا ) على الأصح ) فاهمين )
(كتاب النكاح ، 3/21-9 ، دار الفكر)
و فيه ايضا: 
( كما للوكيل ) الذي وكلته أن يزوجها من نفسه فإن له ( ذلك ) فيكون أصيلا من جانب وكيلا من آخر ( بخلاف ما لو وكلته بتزويجها من رجل فزوجها من نفسه )
 (كتاب النكاح ، باب الكفائة ، 3/98 ، دار الفكر)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب