آپ کے سولات کے جوابات دینے سے پہلے تمہیدی طور پر ایک چیز ذکر کی جاتی ہے تاکہ مسئلہ سمجھنے میں آسانی ہو؛
انسان اپنی زندگی میں اپنے  مال کا خود  مالک ہوتا ہے اور اس کو اپنے اس مال میں ہر قسم کے جائز تصرف کا مکمل اختیار حاصل ہوتا ہے،جب تک 
وہ زندہ رہے اس کی اولاد کو اس کی اجازت کے بغیر اس کے مال میں تصرف کا کوئی حق نہیں ہوتا  اور نہ ہی اس کی اولاد  اسکی جائیداد میں کسی قسم
کےمطالبہ کا حق رکھتی ہے۔تاہم اگر وہ اپنا مال اپنی زندگی میں اپنی اولاد میں تقسیم کرنا چاہے تو اس کا بھی اس کو اختیار حاصل ہوتا ہے اور   یہ اس کی طرف سے ہبہ(گفٹ) ہوتا ہے ۔پھر  اپنی جائیداد اپنی اولاد کو ہبہ کرنے میں انسان درجہ ذیل دو طریقے اختیار کرسکتا ہے؛
(الف) اصول ِ میراث کے مطابق تقسیم کرے  جس کا طریقہ یہ ہے کہ بیٹے کو بیٹی سے دگنا دے۔
 (ب) برابری کے اصول کے مطابق تقسیم کرے یعنی جتنا بیٹے کو دیتا ہے اتنا ہی بیٹی کو دے۔
چونکہ اپنی زندگی میں اپنی اولاد میں جائیداد تقسیم کرنا ہبہ ہوتا ہے میراث نہیں اس لئے اس میں دوسرا طریقہ(سب کو برابر دینا)  اختیار کرنا زیادہ بہتر اور پسندیدہ ہے تاکہ والد کی جائیداد میں تمام اولاد  کو برابر  حصہ مل سکے ، نیز رسول اللہ   نے  اولاد کو اپنا مال ہبہ کرنے کی صورت 

میں برابری کا حکم فرمایا ہے چنانچہ ایک صحابی رسول حضرت نعمان بن بشیر رضی اللہ تعالی عنہ روایت نقل کرتے ہیں؛
عن النعمان بن بشير، أن أباه أتى به إلى رسول الله صلى الله عليه وسلم فقال: إني نحلت ابني هذا غلاما، فقال: «أكل ولدك نحلت مثله»، قال: لا، قال: «فارجعه» (صحيح البخاري،3/ 157، دار طوق النجاة)
ترجمہ: (ایک دن ) ان کے والد (حضرت بشیر رضی اللہ عنہ) انہیں رسول کریمﷺ کی خدمت میں لائے اور عرض کیا کہ میں نے  اپنے اس 
بیٹے کو ایک غلام ہدیہ کیا ہے، آپ ﷺ نے فرمایا : کیا آپ نے اپنے سب بیٹوں کو اسی طرح ایک ایک غلام دیا ہے؟، انہوں نے کہا:  ”نہیں“، آپ ﷺ نے فرمایا: تو پھر (نعمان سے بھی ) اس غلام کو واپس لے لو۔
 ایک دوسری روایت میں آتا ہے کہ ……  آپ ﷺ نے فرمایا: اللہ تعالی سے ڈرو اور اپنی اولاد کے درمیان انصاف کرو۔
تاہم اگر کوئی آدمی اپنی اولاد میں سے چند ایک کو کسی وجہ شرعی مثلا ً دینی شرافت ، خدمت یا مالی کمزوری کی بناء پر باقیوں سے کچھ زیادہ دینا چاہے تو اس میں کوئی حرج نہیں بشرطیکہ  اس طرح کرنے سے مقصود باقی اولاد کو اپنے مال سے محروم کرنا یا ان کو نقصان پہچانا نہ ہو۔
مذکورہ بالا تمہید کے بعد اب نمبروار آپ کے سولات کے جوابات ملاحظہ ہوں:
(1)سوال میں  ذکر کردہ تفصیل سے اتنی  بات تو  واضح  ہوتی ہے کہ شخص مذکور  نے    6 مرلہ کا مکان اپنی اہلیہ  کے نام سے خریدا تھا،اب اس خریدنے کے بعد اگر وہ باقاعدہ طور پر وہ جگہ اپنی اہلیہ کو ہبہ کرچکا ہو اور اپنی اہلیہ کو قبضہ یا اختیارِ تصرف بھی دے چکا ہو تو اس صورت میں  وہ مکان ان  کی اہلیہ  کی ملکیت ہوگا جس میں اس کو  ہر قسم کے تصرف کا حق حاصل ہوگا ،تاہم اہلیہ  کی وفات کے بعد مذکوہ مکان ان کے تمام شرعی 
ورثاء میں ان کے شرعی حصوں کے بقدر تقسیم ہوگا۔
(2)مذکورہ 3 مرلہ پلاٹ میں پہلا ہبہ (جو شخص مذکور  نے اپنی اہلیہ کو ہبہ کیا تھا)مکمل ہوچکا ہے کیونکہ اس پلاٹ پر اس نے  اپنی اہلیہ کو مالکانہ تصرف کا اختیار دیا تھا جس پر قرینہ ان کی اہلیہ   کا آگے اس  پلاٹ کو اپنے چھوٹے بیٹے کو سٹامپ پیپر پر لکھ کی ہبہ کرنا  اور آگے اس پلاٹ میں
دوسرا ہبہ(جو اس کی اہلیہ نے اپنے چھوٹے بیٹے  کو ہبہ کیا) وہ بھی مکمل ہوچکا  ہے کیونکہ والدہ نے اس پلاٹ سے اپنا تصرف ختم کر کے بیٹے کو دیا اور بیٹے نے   مذکورہ پلاٹ میں دیوار کھڑی کر کے اس میں تصرف کیا،لہذا یہ پلاٹ اب اسی چھوٹے بیٹے کی ملکیت ہے۔
(3)شخص مذکور  نے مذکورہ 38 مرلہ گھر کی جو پہلی تقسیم کی تھی وہ ایک غیر منصفانہ تقسیم ہے لیکن اس تقسیم کے مطابق چونکہ کسی کو اپنے حصے پر ابھی تک قبضہ یا مالکانہ تصرف کا اختیار نہیں دیا گیا اس لئے اس تقسیم کی کوئی شرعی حیثیت نہیں اور  ابھی اگر شخص مذکور  اپنا مذکورہ گھر    شرعی اصولوں  کے مطابق  تقسیم کرنا چاہتا ہے  تو اس کو چاہیے کہ اس میں اپنے بڑے بیٹے کے علاوہ اپنی تمام اولاد کو برابر برابر حصہ دے جس  کی صورت یہ ہوسکتی ہے کہ سب سے پہلے تو وہ اس گھر میں سے اپنی بڑی بہو کو اس کا مہر (مذکورہ گھر میں سے 15 مرلہ) ادا کرے اور اس کے بعد پھر باقی گھر  میں سے کچھ مرلہ اپنے لئے  رکھ لے تاکہ بوقت احتیاج کام آسکے  اور باقی ماندہ گھر اپنے   چھوٹے   بیٹے اور چار بیٹیوں میں برابر برابر تقسیم کرے ،یوں  تمام اولاد کو برابر حصہ بھی مل جائے گا  اور کسی کے ساتھ ناانصافی بھی نہ ہوگی ۔تاہم  اگر  وہ  مذکورہ گھر میں سے بہو کے مہر کی ادائیگی اور اپنے لئےمذکورہ گھر  میں سے کچھ مرلہ رکھنے کے بعد  باقی ماندہ   گھرکو میراث کے اصول (بیٹے کو بیٹی سے دگنا) کے مطابق تقسیم کرنا چاہتا ہے تو شریعت میں اس کی بھی گنجائش ہے ،تاہم بہتر اور منصفانہ  وہی پہلے والا (برابر سرابر) طریقہ ہے۔
نوٹ: والد صاحب کی پوری جائیداد میں مذکورہ بالا تقسیم کے مطابق گھر میں  بڑے بیٹے کو حصہ نہ دینے کی تجویز  دی گئی ہےاس لئے کہ والد صاحب    نے اپنی جائیداد میں سے  بڑے بیٹے کی اہلیہ کے مہر کا ذمہ لیکراس پر احسان کیا ہے اور اس کو جائیداد میں سے جتنا حصہ دینا تھا اس سے زیادہ والد صاحب نے اس کی طرف سے مہر کا ضامن بن کر اس کی اہلیہ کو دے دیا ،لہذا اب باقی جائیداد چھوٹے بیٹے اور چار بیٹیوں  میں تقسیم کرنا زیادہ مناسب ہوگا تاکہ ان کے ساتھ بھی احسان کا معاملہ ہو۔   
في مرقاة المفاتيح شرح مشكاة المصابيح:
(وَاعْدِلُوا بَيْنَ أَوْلَادِكُمْ) : وَفِي خِطَابِ الْعَامِ إِشَارَةٌ إِلَى عُمُومِ الْحُكْمِ (قَالَ) : فَانْصَرَفَ أَبِي مِنْ عِنْدِهِ – عَلَيْهِ الصَّلَاةُ وَالسَّلَامُ - (فَرَدَّ عَطِيَّتَهُ) أَيْ: إِلَى نَفْسِهِ أَوْ فَرَجَعَ فِي هِبَتِهِ، وَقَوْلُهُ: فَرَدَّ تَفْسِيرٌ لَهُ وَفِيهِ جَوَازُ رُجُوعِ الْوَالِدِ فِي هِبَةِ وَلَدِهِ (وَفِي رِوَايَةٍ: أَنَّهُ) أَيِ: النَّبِيَّ - صَلَّى اللَّهُ عَلَيْهِ وَسَلَّمَ - (قَالَ: «لَا أَشْهَدُ عَلَى جَوْرٍ» ) أَيْ: ظُلْمٍ أَوْ مَيْلٍ فَمَنْ لَا يَجَوِّزُ التَّفْضِيلَ بَيْنَ الْأَوْلَادِ يُفَسِّرُهُ بِالْأَوَّلِ وَمَنْ يُجَوِّزُهُ عَلَى الْكَرَاهَةِ يُفَسِّرُهُ بِالثَّانِي، قَالَ النَّوَوِيُّ: " فِيهِ اسْتِحْبَابُ التَّسْوِيَةِ بَيْنَ الْأَوْلَادِ فِي الْهِبَةِ فَلَا يُفَضِّلُ بَعْضَهُمْ عَلَى بَعْضٍ سَوَاءٌ كَانُوا ذُكُورًا أَوْ إِنَاثًا، قَالَ بَعْضُ أَصْحَابِنَا: يَنْبَغِي أَنْ يَكُونَ لِلذَّكَرِ مِثْلُ حَظِّ الْأُنْثَيَيْنِ، وَالصَّحِيحُ الْأَوَّلُ لِظَاهِرِ الْحَدِيثِ فَلَوْ وَهَبَ بَعْضَهُمْ دُونَ بَعْضٍ فَمَذْهَبُ الشَّافِعِيِّ، وَمَالِكٍ، وَأَبِي حَنِيفَةَ - رَحِمَهُمُ اللَّهُ تَعَالَى - أَنَّهُ مَكْرُوهٌ وَلَيْسَ بِحَرَامٍ وَالْهِبَةُ صَحِيحَةٌ .... الخ
(كتاب البيوع ، باب العطايا ، رقم 3019  ،5/ 2009، دار الفكر)
و في شرح المجلة:
تنعقد الهبة بالايجاب والقبول، وتتم بالقبض الکامل، لانها من التبرعات،والتبرع لايتم الا بالقبض الكامل في المنقول ما يناسبه ....الخ
(الكتاب السابع  في الهبة ، الباب الاول ،المادة 837 ، 1/ 367 ، مكتبة رشيدية)
و في الدر:
(وتتم) الهبة (بالقبض) الكامل (ولو الموهوب شاغلا لملك الواهب لا مشغولا به) والأصل أن الموهوب إن مشغولا بملك الواهب منع تمامها .... الخ
(كتاب الهبة،5/ 690 ، دار الفكر)
و في بدائع الصنائع في ترتيب الشرائع:
 وينبغي للرجل أن يعدل بين أولاده في النحلى لقوله سبحانه وتعالى {إن الله يأمر بالعدل والإحسان}.... لما روي أن بشيرا أبا النعمان أتى بالنعمان إلى رسول الله - صلى الله عليه وسلم - فقال إني نحلت ابني هذا غلاما كان لي فقال له رسول الله - صلى الله عليه وسلم - كل ولدك نحلته مثل هذا فقال لا فقال النبي - عليه الصلاة والسلام - فأرجعه وهذا إشارة إلى العدل بين الأولاد في النحلة وهو التسوية بينهم ولأن في التسوية تأليف القلوب والتفضيل يورث الوحشة بينهم فكانت التسوية أولى ولو نحل بعضا وحرم بعضا جاز من طريق الحكم لأنه تصرف في خالص ملكه لا حق لأحد فيه .... الخ
(كتاب الهبة، فصل في شرائط ركن الهبة ، 6/ 127، دار الكتب العلمية)
و في الرد:
" (قوله كما حققه مفتي دمشق إلخ) أقول: حاصل ما ذكره في الرسالة المذكورة أنه ورد في الحديث أنه - صلى الله عليه وسلم - قال «سووا بين أولادكم في العطية ولو كنت مؤثرا أحدا لآثرت النساء على الرجال» رواه سعيد في سننه وفي صحيح مسلم من حديث النعمان بن بشير «اتقوا الله واعدلوا في أولادكم» فالعدل من حقوق الأولاد في العطايا والوقف عطية فيسوي بين الذكر والأنثى، لأنهم فسروا العدل في الأولاد بالتسوية في العطايا حال الحياة. وفي الخانية ولو وهب شيئا لأولاده في الصحة، وأراد تفضيل البعض على البعض روي عن أبي حنيفة لا بأس به إذا كان التفضيل لزيادة فضل في الدين وإن كانوا سواء يكره وروى المعلى عن أبي يوسف أنه لا بأس به إذا لم يقصد الإضرار وإلا سوى بينهموعليه الفتوى وقال محمد: ويعطي للذكر ضعف الأنثى، وفي التتارخانية معزيا إلى تتمة الفتاوى قال: ذكر في الاستحسان في كتاب الوقف، وينبغي للرجل أن يعدل بين أولاده في العطايا والعدل في ذلك التسوية بينهم في قول أبي يوسف وقد أخذ أبو يوسف حكم وجوب التسوية من الحديث، وتبعه أعيان المجتهدين، وأوجبوا التسوية بينهم وقالوا يكون آثما في التخصيص وفي التفضيل. . . . . الخ
(كتاب الوقف ،مطلب مهم في قول الواقف على الفريضة الشرعية ،  4/444 ، دار الفکر)

Mufti

تاریخ جواب: 14 Mar 2026

تاریخ اشاعت: 15 Jun 2026

واللہ اعلم بالصواب