بصورتِ مسئولہ  اسٹامپ پیپر میں شوہر نے اپنا مکان بیوی کودینےکاتین جگہ تذکرہ کیا ہے۔1۔"مکانِ مذکورہ زوجہ مسماۃ رفیقہ  کےنام بخوشی ورضا ورغبت تملیک کرتا ہوں۔
2۔میرے مرنےکےبعد زوجہ ام میرے سارے مکان آباد کی واحد مالکہ ہوگی،اگروہ میرےپت میں بیٹھی رہیگی۔
3۔اگروہ میرےپت میں زندگی گزاریگی تواس صورت میں سارےمکان کی بیع ورہن کی مجاز ہوگی۔
نوٹ:۔مستفتی سے اس جملے کامطلب" اگروہ میرےپت میں بیٹھی رہیگی"پوچھا گیا،اس نے بتایا کہ اس کا مطلب یہ ہےکہ  اگرعورت میرےمرنےکےبعد کسی اورجگہ نکاح نہیں کریگی ،تب یہ گھر اس کی  ملکیت ہوگی۔
ان عبارات سے یہ بات معلوم ہوتی ہے،کہ شوہرنےاگرچہ تملیک وغیرہ کےالفاظ استعمال کئے ہیں،لیکن چونکہ تملیک  کومرنے کےبعد  پرمعلق کیاہے،جیساکہ خط کشیدہ الفاظ  میں مذکورہے،اس لئے  یہ ہبہ نہیں  بلکہ وصیت ہے،اورشرعا چونکہ وصیت اپنے وارث کےلئے نہیں ہوتی ،اس لئے مذکورہ  وصیت بھی درست نہیں ،لہذا اس مکان میں بھی عورت کےساتھ دیگرورثاء بھی شریک ہونگے،اورمرحوم  کی چونکہ اولاد نہیں ،اس لئےاس کو مرحوم کےپورےمال وجائیداد کاربع یعنی ایک چوتھائی حصہ ملےگا،چنانچہ اگرمذکورہ مکان مرحوم کےکل مال وجائیداد کےچوتھائی حصہ کےبرابر ہو،تو یہ گھرمرحوم کی بیوہ کو دیا جاسکتا  ہے،بصورتِ دیگرسارےمکانات کی قیمت   لگاکرنیز اگرمرحوم کےکچھ اور مال و  متاع ہوں تو سب کو ملاکران میں سے ایک چوتھائی رقم مرحوم کی بیوہ کو دی جائیگی۔
في سنن ابن ماجه: عَنْ عَمْرِو بْنِ خَارِجَةَ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - خَطَبَهُمْ وَهُوَ عَلَى رَاحِلَتِهِ، وَإِنَّ رَاحِلَتَهُ لَتَقْصَعُ بِجِرَّتِهَا، وَإِنَّ لُعابهَا لَيَسِيلُ بَيْنَ كَتِفَيَّ، فقَالَ: "إِنَّ اللَّهَ قَسَمَ لِكُلِّ وَارِثٍ نَصِيبَهُ مِنْ الْمِيرَاثِ، فَلَا يجُوزُ لِوَارِثٍ وَصِيَّةٌ(2/319:مكتبة رحمانية)
وفي فتاوى التاتارخانية:وإذا قال أوصيت أن يوهب لفلان سدس داري بعد موتي،وكان ذلك وصية عملا بقوله بعد موتي،فالهبة بعد الموت هي الوصية...وكذالك إذا قال بعد موتي،لأنه لما قال بعد موتي فقد نص على الوصية بخلاف ماإذا قال في صحته:ثلث مالي لفلان،لأنه لم يصرح بالوصية ولا ذكرها في خلال الوصايا ولا أضافه إلى ما بعد الموت فلا يجعل وصية بل يجعل هبة،حتى لوذكرها في خلال الوصايا،أو أضافه إلى ما بعد الموت،وكان ذلك في حالة الصحة يكون وصية.(كتاب الوصايا:19/371:مكتبة اعزازية)

Mufti

تاریخ جواب: 15 Mar 2026

تاریخ اشاعت: 16 Jun 2026

واللہ اعلم بالصواب