واضح رہے :-
ا- کہ مفتی عالم الغیب نہیں ہوتا،اس کے سامنے جس طرح کا سوال بنا کر پیش کیا جاتا ہے،وہ اسی  کے  مطابق جواب دینے کا پابند ہوتا ہے،چنانچہ اگر کوئی سوال میں کمی کوتاہی کرکے اپنی مرضی کا جواب وصول کرتا ہے،تو مفتی کے فتوے سے حلال چیز حرام اورحرام چیز حلال نہیں ہوگی،اس لئے اس کی ساری ذمہ داری سوال کرنے والے ہی پرہوگی۔
2-شریعت میں خلع کے من جملہ شرائط میں سے ایک شرط  شوہر کی رضامندی بھی ہے،اس لئے شوہر کی رضامندی کے بغیر یک طرفہ طور پرخلع معتبر نہیں ہوتا ،البتہ  اگر عورت   خلع لینے کےلئےدرخواست  ميں  ایسے اسباب ذکر کرے،جوشرعا فسخِ نکاح کا سبب بن سکتے ہوں،اور پھر گواہوں کے ذریعہ سے ان کو ثابت بھی کرے،لیکن اس کے باوجود  بھی شوہر نہ طلاق دینے کےلئے تیار ہو،اورنہ خلع کےلئے،تو اس صورت میں عدالتی خلع بھی فسخِ نکاح کےحکم میں ہوگا،اوراس صورت میں شوہرکی رضامندی ضروری نہیں ہوگی۔
بصورتِ مسئولہ  :۔
1۔اگر آپ کا سوال صحیح ہے،تو مذکورہ خلع   درست نہیں ،کیونکہ نہ تو  یہ خلع کی شرائط کے مطابق ہے،اور نہ ہی  یہ فسخِ نکاح کے شرائط کے مطابق ۔خلع تو   اس لئے نہیں کہ خلع   میں شوہر کی رضامندی  ضروری ہوتی ہے،جبکہ مذکورہ صورت میں  شوہر کی رضامندی  کے بغیرخلع کی 

ڈگری  جاری کردی گئی ہے،اورفسخِ نکاح پر اس لئے محمول نہیں کیا جاتا ،کہ عدالت کی طرف سے  فسخِ نکاح اس وقت درست ہوتا ہے کہ جب جج کے سامنے شوہر کاجرم اور ظلم ثابت ہوجائے،اورعدالت کے کہنےکے باوجود شوہرنہ اس جرم اور ظلم کے ازالے کےلئے تیار ہو اورنہ ہی خلع یا طلاق دینے کےلئے،جبکہ مذکورہ صورت میں شوہر کے بھائی نے عدالت  کو یقین دہانی کرائی ہے کہ ہم پہلے بھی نان نفقہ دے چکے ہیں 
اور آئندہ ہم دینے کےلئے بھی تیار ہیں۔  لہذا س کے باوجود یک طرفہ طور پر خلع کی ڈگری جاری کرنے سے  خلع درست نہیں  ہوئی ،لہذا اس کو چاہئے کہ  شریعت کے مطابق شوہر سے خلع لے کر عدت کے بعد کسی دوسری جگہ نکاح کرے،بصورتِ دیگر پوری زندگی  گناہ میں گزری گی۔
2۔جب لڑکی  کوسونا بطورِ گفٹ دینے پر آپ راضی نہیں تھے،صرف لڑکی کے  ماموں کے  اصرار پر خاموش ہوگئے،تو یہ سونا بھی مہر کا حصہ تصور ہوگا،چونکہ مذکورہ صورت میں لڑکی اب تک شوہر کے نکاح میں ہے،اس لئے اس سے سونےکا مطالبہ کرنا  درست نہیں ،تاہم اگر وہ صحیح اور شرعی خلع لینا چاہتی ہے،تو اس صورت میں آپ ان سے بطورِ بدلِ  خلع سونے کا مطالبہ کرسکتے ہیں۔
3۔آپ کے سوال کے  مطابق چونکہ پورا کا پورا سامان شوہر ہی خرید کرلایا ہے،اور بیوی بطورِ جہیزکوئی چیز لےکر نہیں آئی،تو اس صورت میں سامان شوہرہی کا حق ہے،اس میں عورت کا کوئی حصہ نہیں۔
في فقه البيوع:الثاني:أن الفتوى مبنية على السوال الذي قدمه السائل إلى المفتي،فيبين المفتي الحكم الشرعي على فرض أن السؤال مطابق للواقع،وليس من وظيفته أن يحقق صحته في نفس الأمر بطلب البينة وغيرها،ولذلك يقول المفتي:(الحكم في الصورة المسؤل عنها كذا) ولا يلزم منه أن تكون الصورة المسؤل عنها موافقة للواقع في نفس الأمر.(الفرق بين القضاء والإفتاء:14:ط:معارف القرآن كراتشي)
في الدر المختار وحاشية ابن عابدين:(قَوْلُهُ: وَشَرْطُهُ كَالطَّلَاقِ)... وَأَمَّا رُكْنُهُ فَهُوَ كَمَا فِي الْبَدَائِعِ: إذَا كَانَ بِعِوَضٍ الْإِيجَابُ وَالْقَبُولُ لِأَنَّهُ عَقْدٌ عَلَى الطَّلَاقِ بِعِوَضٍ، فَلَا تَقَعُ الْفُرْقَةُ، وَلَا يُسْتَحَقُّ الْعِوَضُ بِدُونِ الْقَبُولِ...الخ(كتاب الطلاق ، باب الخلع ، 3/ 441 ، دار الفكر)
و في الفتاوى الهندية: الخلع إزالة ملك النكاح ببدل بلفظ الخلع كذا في فتح القدير وقد يصح بلفظ البيع والشراء وقد يكون بالفارسية كذا في الظهيرية(وشرطه) شرط الطلاق(وحكمه) وقوع الطلاق البائن كذا في التبيين(كتاب الطلاق ، الباب الثامن في الخلع ، 1/ 488 ، دار الفكر)

واللہ اعلم بالصواب

تاریخ اشاعت: 20 Jun 2026