TopBanner Img

سوال پوچھیں

نیا سوال پوچھنے کےلئے یہاں کلک کریں،سوال بھیجنے کے بعد جواب کےلئے کم ازکم ایک ہفتے تک انتظار فرمائیں

سوال پوچھیں

فہرستِ ابواب

فتویٰ نمبر : 1448-603 Fatwa no: 1448-603

حیض کی حالت میں طواف صدر کا حکم

براہ راست فتویٰ
سوال :
کیا فرماتے ہیں مفتیان کرام اس مسئلہ کے بارے میں کہ ایک عورت کو طواف صدر سے پہلے حیض آیا،اب اس کے ویزے کے دن بھی ختم ہونے والے ہیں اور اس کے پاس وہاں رکنے اورطواف ادا کرنے کا کوئی اور طریقہ بھی نہیں ہے تو کیا وہ عورت طواف صدر جو کہ واجب ہے حالت حیض میں ادا کرسکتی ہے یا نہیں ،اور ادا نہیں کرسکتی تو اس پر دم لازم ہو گا یا نہیں ؟
جواب :

طواف صدر واجب ہے،لیکن اگر کسی عورت کو طواف  صدر کرنے سے پہلے حیض آجائے،تو ایسی عورت کو آپﷺ نے بغیر طواف کے گھر جانے کی اجازت دی ہے،لہذا اگر کسی عورت کو طواف صدر ادا کرنے سے پہلے حیض آگیا تو وہ حالت حیض میں طواف کیے بغیر گھر واپس جاسکتی ہے اور طواف صدر ادا نہ کرنے کی وجہ سے  اس پر دم بھی لازم نہیں ہوگا۔
الدرالمختار:
(وواجبه) نيف وعشرون... (وطواف الصدر) أي الوداع (للآفاقي) غير الحائض.. (قوله غير الحائض) لأن الحائض يسقط عنها
(كتاب الحج،۴۶۸/۲،دارالفکر)
الفقه الاسلامي:
شرائطه: لطواف الوداع شرائط وجوب... الطهارة من الحيض والنفاس: فلا يجب على الحائض والنفساء، ولا يجب عليهما الدم بتركه، للحديث السابق:.. «من حج البيت فليكن آخر عهده بالبيت، إلا الحيَّض، ورخص لهن رسول الله صلّى الله عليه وسلم»
( الطواف،۲۲۰۷/۳،دارالفکر)
بدائع الصنائع:
وَمِنْهَا الطَّهَارَةُ مِنْ الْحَيْضِ، وَالنِّفَاسِ فَلَا يَجِبُ عَلَى الْحَائِضِ، وَالنُّفَسَاءِ حَتَّى لَا يَجِبُ عَلَيْهِمْ الدَّمُ بِالتَّرْكِ لِمَا رُوِيَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - رَخَّصَ لِلْحُيَّضِ تَرْكَ هَذَا الطَّوَافِ
(طواف الصدر،۱۴۲/۲، دار الكتب العلمية)

واللہ اعلم بالصواب

تاریخ اشاعت: 15 Aug 2026

فتاویٰ کی فہرست پر واپس جائیں