کیا فرماتے ہیں مفتیان کرام اس مسئلہ کےبارے میں کہ (طلاق نامہ) مسمی دانش ولد ولیستان سکنہ محلہ کیالہ ،ڈاکخانہ بگوتر تحصیل ،ضلع اینٹ آباد کا ہوں اقراری ہوں کہ من مقر کی نکاح و شادی بمطابق احکام شریعت محمدی ہمراہ مسماۃ عمیرہ دختر ممتاز احمد سکنہ نورمنگ تحصیل و ضلع ایبٹ آباد مؤرخہ 10/07/20016 کو میری شادی ہوئی ،بوقت شادی حق مہرمیں تین تولہ سونا ادا کیا گیا،جن میں ایک ہار سیٹ ،تین انگوٹھیاں ادا کی گئی،شادی سے لے کر اب تک بیوی کا رویہ میرے ساتھ اچھا نہ رہا کبھی کوئی عید میرے ساتھ میرے گھر نہ گزاری سوائے اس عید کے اس عید پر ناراض ہوکر ماں باپ کے گھر چلی گئی ،ہماری دو بیٹیاں زندہ موجود ہیں بڑی بچی چار سال کی میرے اور دادی کے پاس موجود ہے اور چھوٹی بچی عائشہ عمر ڈیڑھ سال اور وہ اپنی ماں کے پاس ہے ،عمیرہ بی بی بغیر کسی وجہ کے بار بار لڑائی جھگڑا کر کے گھر چھوڑکر جاتی ہے میں پھر جرگہ کرکے واپس لے آتا ،میرے پاس اس کے بھائیوں کی ریکارڈنگ موجود ہے بغیر کسی وجہ سے جب وہ گھر چھوڑ کر جاتی تو اس کے بھائی خود بولتے ہیں کہ اگر وہ نہیں رہتی تو طلاق دے کر فارغ کردو نہ اپنی زندگی خراب کرو اور نہ ہماری زندگی خراب کرو بلکہ میری بیوی عمیرہ دختر ممتاز احمد بھی مجھ سے طلاق مانگتی ہے اس کی ریکارڈنگ بھی موجود ہے اور کہتی ہے طلاق نہ دی تو جگہ جگہ بدنام کروں گی ،اس کی اور اس کے گھر والوں کی مرضی کے مطابق آج مؤرخہ 2023/05/09 کو اپنی بیوی عمیرہ دختر ممتاز احمدکو اپنی مرضی سے اپنے ہوش و حوا س خمسہ سے طلاق ثلاثہ دے کر اپنی زوجیت سے خود علیحدہ کرتا ہوں اب وہ جب چاہے طلاق ثلاثہ کی عدت پوری کرکے جب چاہے دوسری شادی کر سکتی ہے ،میں نے اپنی بیوی کو حق مہر ادا کردیا ہے اس کے کسی قسم کے کوئی حقوق اور حق مہر میرے ذمہ باقی نہیں ہے ،بالمطابق نکاح نامہ مسماۃ عمیرہ بی بی اپنا سب کچھ حاصل کر چکی ہے اب میرے ذمے اس کا کچھ بقایا نہیں ہے ،مدعیہ کا اپناسامان جو اس کے گھر والوں نے بوقت شادی دیا ہے عرصہ پانچ سال سے استعمال کر رہی ہے اور اکثر سامان کی توڑ پھوڑ مسماۃ عمیرہ بی بی خود کرتی رہی ہےاب جس حالات میں سامان پڑ ا ہے وہ جب چاہے اپنا سامان جہیز لے کرجا سکتی ہے مجھے کوئی اعتراض نہ ہے اور نہ ہوگا۔ طلاق نامہ ہذا من مقر نے بقائمی ہوش و حواس خسہ بلاجبر وکراہ غیر کے ،روبرو دو گواہان تحریر وتکمیل کردیا ہے تاکہ سندر رہے اور بوقت ضرورت کام آوے۔ اب پوچھنا یہ ہے کہ اس طلاق نامہ کے بعد شوہر اس عورت کے ساتھ دوبارہ نکاح کرسکتا ہےیا نہیں ؟