TopBanner Img

سوال پوچھیں

نیا سوال پوچھنے کےلئے یہاں کلک کریں،سوال بھیجنے کے بعد جواب کےلئے کم ازکم ایک ہفتے تک انتظار فرمائیں

سوال پوچھیں

فہرستِ ابواب

فتویٰ نمبر : 1448-871 Fatwa no: 1448-871

نماز میں صفوں کی ترتیب

براہ راست فتویٰ
سوال :
کیا فر ماتے ہیں مفتیان کرام اس مسئلہ کے بارے میں کہ اس سال ایک صاحب نے ختم قرآن کے موقع پر فرمایا کہ بچوں کو نماز کے وقت پہلی صف سے نہیں ہٹانا چاہیےجو بچہ جہاں کھڑا ہے ،وہاں سے ہٹانے کا کوئی بھی حق نہیں رکھتا ۔انہوں نے دلیل کے طور پر حضرت معاذ ؓاورحضرت معوّذ ؓ کا حوالہ دیا کہ وہ بچے ہونے کے باوجود اس موقع پر سب سے آگے نکل گئے اور ابوجہل کو واصل جہنم کیا ،یہ بات ٹھیک ہے لیکن ہم نے سنا ہے کہ شریعت کے احکامات پر عمل موقع کے اعتبار سے مختلف ہوتا ہے۔یہ جہاد کی بات تھی اور زیادہ چھوٹے بچے بھی نہیں تھے لیکن نماز میں ہم نے سنا ہے کہ پہلے بڑی عمر کے علم و عمل والے لوگ ،اس کے بعد بچے اور اگر خواتین ہو تو بچوں کے پیچھے ان کی صف بندی ہوگی اس کی وضاحت فرمائیں ۔
جواب :

واضح رہے کہ نماز میں صفوں کی ترتیب یہ   ہےکہ پہلی صف اہل علم و تقوٰی اور بالغ افراد  کی  ہوتی ہے،ان کے بعددوسری صف   بچوں کی ہوتی ہے ۔ بچے اگر پہلی صف  میں ہیں تو ان کو تعلیما ً  دوسری صف میں  بھیجنا    درست  ہے تاکہ ان کو اپنی    صف  معلوم ہو  لیکن اگر ایک  آدھ بچہ ہو تو وہ بڑوں کے ساتھ  صف  کے ایک سائیڈ پر دیوار کے ساتھ  بھی کھڑا ہوسکتا ہے۔ لہذا  سوال  میں مذکور ہ بات (کہ بچے جہاں چاہے  کھڑے ہوکر نماز پڑھیں )  درست  نہیں ہے ،اور اس پر  مذکورہ دلیل پیش کرنا جہالت ہے جبکہ صفوں کی ترتیب سے متعلق واضح احادیث موجود ہیں۔

سنن أبي داود:
674 - حدثنا ابن كثير، أخبرنا سفيان، عن الأعمش، عن عمارة بن عمير، عن أبي معمر عن أبي مسعود قال: قال رسول الله - صلى الله عليه وسلم -: "ليليني منكم أولو الأحلام والنهى، ثم الذين يلونهم، ثم الذين يلونهم"
(باب من يستحب أن يلي الإمام ،۲/ ۱۳،دار الرسالة العالمية)
الفتاوى الهندية:
ولو اجتمع الرجال والصبيان والخناثى والإناث والصبيات المراهقات يقوم الرجال أقصى ما يلي الإمام ثم الصبيان ثم الخناثى ثم الإناث ثم الصبيات المراهقات. كذا في شرح الطحاوي.
(الفصل الخامس في بيان مقام الامام،۱/ ۸۸،دار الفكر)

بدائع الصنائع في ترتيب الشرائع:
ولو اجتمع الرجال والنساء والصبيان والخناثى والصبيات المراهقات فأرادوا أن يصطفوا للجماعة - يقوم الرجال صفا مما يلي الإمام، ثم الصبيان بعدهم، ثم الخناثى، ثم الإناث، ثم الصبيات المراهقات.
(فصل بيان ما يستحب للامام...۱/ ۱۵۹،دار الكتب العلمية) 

واللہ اعلم بالصواب

تاریخ اشاعت: 29 Oct 2026

فتاویٰ کی فہرست پر واپس جائیں